रिझर्व्ह बँक ऑफ इंडियाच्या (RBI) चलनविषयक धोरण समितीने (MPC) सलग बैठकीत रेपो दर 5.25 टक्क्यांवर कायम ठेवण्याचा एकमताने निर्णय घेतला आहे. वाढती जागतिक अनिश्चितता, अन्न व इंधन महागाईचा दबाव आणि देशांतर्गत आर्थिक वाढ यांचा विचार करून समितीने ‘न्यूट्रल’ भूमिका कायम ठेवत भविष्यातील घडामोडींवर बारकाईने लक्ष ठेवण्याचे संकेत दिले आहेत.
रिझर्व्ह बँकेच्या गव्हर्नर संजय मल्होत्रा यांच्या अध्यक्षतेखाली 3 ते 5 ऑगस्ट 2026 दरम्यान झालेल्या चलनविषयक धोरण समितीच्या 62 व्या बैठकीत रेपो दरात कोणताही बदल न करण्याचा निर्णय घेण्यात आला. त्यामुळे रेपो दर 5.25 टक्के, स्टँडिंग डिपॉझिट फॅसिलिटी (SDF) दर 5 टक्के आणि मार्जिनल स्टँडिंग फॅसिलिटी (MSF) तसेच बँक दर 5.50 टक्क्यांवर कायम राहतील.
समितीने यावेळीही ‘न्यूट्रल’ भूमिका कायम ठेवत भविष्यातील महागाई आणि आर्थिक वाढीच्या परिस्थितीनुसार आवश्यक निर्णय घेतले जातील, असे स्पष्ट केले.
आर्थिक वाढीबाबत RBI चा अंदाज
भारतीय अर्थव्यवस्थेने जागतिक आव्हानांमध्येही चांगली लवचिकता दाखविल्याचे RBI ने म्हटले आहे. खासगी उपभोग, पायाभूत सुविधा गुंतवणूक, उत्पादन क्षेत्रातील वाढ, बँक कर्जवाटप आणि सेवा निर्यात यामुळे अर्थव्यवस्थेला आधार मिळत आहे.
RBI ने आर्थिक वर्ष 2026 ते 27 साठी वास्तविक GDP वाढीचा अंदाज 6.7 टक्के कायम ठेवला आहे.
तिमाहीनुसार अंदाज पुढीलप्रमाणे आहे.
- Q1: 7.0%
- Q2: 6.4%
- Q3: 6.5%
- Q4: 6.8%
तर आर्थिक वर्ष 2027 ते 28 च्या पहिल्या तिमाहीत वाढीचा दर 7.3 टक्के राहण्याचा अंदाज व्यक्त करण्यात आला आहे.
Points that sum up the Monetary Policy announcement on August 05, 2026:
— ReserveBankOfIndia (@RBI) August 5, 2026
•Policy Repo Rate remains unchanged at 5.25%
•Marginal Standing Facility (MSF) & Bank Rate remains at 5.50%
•Standing Deposit Facility (SDF) remains at 5.00%
•Real GDP growth for 2026-27 is projected at…
जून 2026 मध्ये ग्राहक किंमत निर्देशांक (CPI) आधारित महागाई दर 4.4 टक्क्यांवर पोहोचला. सलग 16 महिने लक्ष्यापेक्षा कमी राहिल्यानंतर महागाई पुन्हा वाढली असली तरी ती RBI च्या अंदाजापेक्षा सुमारे 30 बेसिस पॉइंट्सने कमी राहिली.तथापि, अन्न व इंधन वगळता कोअर महागाई 3.9 टक्क्यांवर स्थिर राहिली. मौल्यवान धातू वगळल्यास कोअर महागाई केवळ 2.3 ते 2.5 टक्क्यांच्या दरम्यान असल्याचे RBI ने नमूद केले आहे.
महागाईचा पुढील अंदाज
RBI ने आर्थिक वर्ष 2026 ते 27 साठी सरासरी महागाईचा अंदाज 5 टक्के व्यक्त केला आहे.
तिमाहीनुसार अंदाज पुढीलप्रमाणे आहे.
- Q2: 4.7%
- Q3: 5.9%
- Q4: 5.5%
तर आर्थिक वर्ष 2027 ते 28 च्या पहिल्या तिमाहीत महागाई 5.3 टक्के राहण्याचा अंदाज आहे.
थोड़क्यात भारतीय अर्थव्यवस्था सध्या मजबूत देशांतर्गत मागणी, सेवा क्षेत्रातील सातत्यपूर्ण वाढ आणि निर्यातीच्या आधारावर पुढे जात असली तरी महागाईवरील अन्न व इंधनाचा दबाव, एल निनो, भू राजकीय तणाव आणि जागतिक व्यापारातील अनिश्चितता लक्षात घेऊन RBI ने सावध भूमिका स्वीकारली आहे. त्यामुळे सध्या व्याजदरात कोणताही बदल न करता परिस्थितीवर लक्ष ठेवण्याचा निर्णय घेण्यात आला असून, पुढील धोरणात्मक निर्णय महागाई आणि आर्थिक वाढीच्या दिशेनुसार घेतले जाणार आहेत.
