ऑगस्ट महिन्यात बँका एकूण १४ दिवस राहणार बंद; घरबसल्या अशी आटपा तुमची महत्त्वाची आर्थिक कामे

आगामी ऑगस्ट महिन्यात देशभरात वेगवेगळ्या सण-उत्सव आणि शनिवार-रविवारमुळे तब्बल १४ दिवस बँकांचे कामकाज बंद राहणार असल्याने, नागरिकांना आपले महत्त्वाचे आर्थिक व्यवहार अगोदरच नियोजित करावे लागणार आहेत.

रिझर्व्ह बँकेच्या (RBI) सुट्ट्यांच्या कॅलेंडरनुसार, ऑगस्ट २०२६ मध्ये एकूण १४ दिवस बँक हॉलिडे असणार आहेत. यामध्ये ५ रविवार आणि महिन्याचे दुसरे व चौथे शनिवार यांचा समावेश तर आहेच, शिवाय वेगवेगळ्या प्रादेशिक सणांमुळे ७ दिवस विशिष्ट राज्यांत व शहरांत बँका बंद राहतील.

ऑगस्ट महिन्यातील सुट्ट्यांचे गणित आणि सुची

आगामी ऑगस्ट २०२६ महिन्यात देशभरात सण-उत्सव आणि शनिवार-रविवारमुळे एकूण १४ दिवस बँकांचे कामकाज बंद राहणार असून, ग्राहकांना आपल्या आर्थिक व्यवहारांचे नियोजन करता यावे यासाठी संपूर्ण तारीखनिहाय सुट्ट्यांची यादी खालीलप्रमाणे आहे.

ऑगस्ट २०२६ मधील तारीखनिहाय बँक सुट्ट्या

ऑगस्ट महिन्यात साप्ताहिक सुट्ट्यांव्यतिरिक्त वेगवेगळ्या प्रादेशिक सणांमुळे काही विशिष्ट दिवशी बँका बंद राहतील. खालील तक्त्यावरून तुम्ही तुमच्या क्षेत्रातील सुट्ट्यांची माहिती घेऊ शकता:

२ ऑगस्ट: रविवार (सर्व जगा / सर्व ठिकाणी बँक सुट्टी)

 ४ ऑगस्ट: केर पूजा

 ८ ऑगस्ट: दुसरा शनिवार (सर्व ठिकाणी बँक सुट्टी)

 ९ ऑगस्ट: रविवार (सर्व ठिकाणी बँक सुट्टी)

 १३ ऑगस्ट: पॅट्रियाट्स डे

 १५ ऑगस्ट: स्वातंत्र्य दिवस (सर्व ठिकाणी बँक सुट्टी)

 १६ ऑगस्ट: रविवार (सर्व ठिकाणी बँक सुट्टी)

 १९ ऑगस्ट: महाराजा वीर बिक्रम किशोर माणिक्य बहादुर यांचा जन्मदिवस

 २२ ऑगस्ट: चौथा शनिवार (सर्व ठिकाणी बँक सुट्टी)

 २३ ऑगस्ट: रविवार (सर्व ठिकाणी बँक सुट्टी)

 २५ ऑगस्ट: मिलाद-उन-नबी, पहिला ओणम आणि मिलाद-उन-शरीफ

 २६ ऑगस्ट: ईद-ए-मिलाद, बरावफाट आणि थिरुवाणम पर्व

 २८ ऑगस्ट: रक्षाबंधन, पांग-ल्हाबसोल, श्री नारायण गुरु जयंती आणि अय्यंकाली जयंती (सर्व ठिकाणी बँक सुट्टी)

 ३० ऑगस्ट: रविवार (सर्व ठिकाणी बँक सुट्टी)

(टीप: प्रादेशिक सण आणि स्थानिक उत्सव त्या त्या राज्यांच्या संस्कृतीनुसार बदलत असल्याने, ग्राहकांनी आपल्या स्थानिक बँक शाखेशी संपर्क साधून किंवा अधिकृत कॅलेंडर तपासून खात्री करावी.)

डिजिटल बँकिंग सुविधांचा लाभ घ्या

बँक शाखांच्या या सुट्ट्यांच्या काळात ग्राहकांना कोणत्याही आर्थिक अडचणीचा सामना करावा लागू नये म्हणून एटीएम (ATM), नेट बँकिंग, मोबाईल बँकिंग आणि यूपीआय (UPI) यांसारख्या डिजिटल सेवा नेहमीप्रमाणे २४ तास सुरू राहतील. सुट्ट्यांच्या दिवशीही तुम्ही घरबसल्या पैशांचे ट्रान्सफर आणि ऑनलाइन व्यवहार करू शकता.