जागतिक स्तरावर लोकप्रिय असलेला किम कार्दशियनचा SKIMS ब्रँड आता भारतात दाखल होत आहे. रिलायन्स ब्रँड्स लिमिटेडसोबतच्या विशेष भागीदारीअंतर्गत दिल्ली आणि मुंबई येथे पहिली स्टोअर्स सुरू करण्यात येणार असून त्यानंतर टप्प्याटप्प्याने देशभर विस्तार केला जाणार आहे. भारतातील प्रीमियम फॅशन आणि लाइफस्टाइल बाजारासाठी ही महत्त्वाची घडामोड मानली जात आहे.
हिला इनरवेअर, शेपवेअर आणि लाउंजवेअर या विभागात जागतिक ओळख निर्माण केलेला SKIMS ब्रँड भारतात प्रवेश करत आहे. रिलायन्स रिटेल व्हेंचर्सची उपकंपनी Reliance Brands Limited (RBL) भारतात या ब्रँडची ऑफलाइन आणि ऑनलाइन उपस्थिती उभारणार आहे.
पहिल्या टप्प्यात दिल्ली आणि मुंबई येथे फ्लॅगशिप स्टोअर्स सुरू केली जातील. त्यानंतर देशातील इतर प्रमुख शहरांमध्ये आणि विविध विक्री माध्यमांतून ब्रँडचा विस्तार केला जाणार आहे.
भारतावर SKIMS चा वाढता विश्वास
2019 मध्ये Kim Kardashian आणि Jens Grede यांनी SKIMS ची स्थापना केली होती. शरीराच्या प्रत्येक प्रकाराला अनुरूप, आरामदायी आणि आधुनिक डिझाइनची उत्पादने उपलब्ध करून देणे हा या ब्रँडचा मुख्य उद्देश आहे.
महिलांसाठीच्या उत्पादनांबरोबरच कंपनीने पुरुषांसाठीची श्रेणी आणि NikeSKIMS सारख्या नवीन उपक्रमांद्वारे जागतिक विस्तारही सुरू ठेवला आहे.
Media Release – SKIMS and Reliance Brands partner to launch in India
SKIMS, the global brand co-founded by Kim Kardashian and Jens Grede, makes its India debut with its first stores in Delhi and Mumbai
Mumbai / Los Angeles, 5th August 2026: Reliance Brands Limited (RBL) and… pic.twitter.com/CsZUHwfrvV
— Reliance Industries Limited (@RIL_Updates) August 5, 2026
भारत का ठरला पुढचा मोठा बाजार?
भारतामध्ये प्रीमियम आणि लक्झरी ब्रँड्सची वाढती मागणी, वाढणारे उत्पन्न आणि जागतिक दर्जाच्या फॅशनकडे झुकणारी तरुण ग्राहकवर्गाची पसंती लक्षात घेऊन SKIMS ने भारतात प्रवेशाचा निर्णय घेतला आहे.
ईशा अंबानी, संचालक, Reliance Retail Ventures Limited यांनी सांगितले की, SKIMS ने आराम, फिट आणि सर्वसमावेशकतेबाबत जागतिक स्तरावर नवा मापदंड निर्माण केला आहे. भारतीय ग्राहकांच्या बदलत्या अपेक्षांशी हा ब्रँड जुळणारा असल्याने भारतात दीर्घकालीन व्यवसाय उभारण्याचा कंपनीचा मानस आहे.
SKIMS च्या सहसंस्थापक आणि Chief Creative Officer Kim Kardashian यांनी भारतातील ग्राहकांकडून मिळालेल्या उत्साहपूर्ण प्रतिसादाबद्दल आनंद व्यक्त करत लवकरच भारतीय ग्राहकांचे स्टोअर्समध्ये स्वागत करण्याची उत्सुकता असल्याचे म्हटले.
तर सहसंस्थापक आणि CEO Jens Grede यांनी रिलायन्स ब्रँड्सचा जागतिक ब्रँड्स उभारण्याचा अनुभव भारतातील विस्तारासाठी महत्त्वाचा ठरेल, असा विश्वास व्यक्त केला.
रिलायन्स ब्रँड्सची मजबूत उपस्थिती
2007 मध्ये स्थापन झालेली Reliance Brands Limited ही भारतातील लक्झरी आणि प्रीमियम फॅशन क्षेत्रातील आघाडीची कंपनी मानली जाते. कंपनीकडे सध्या देशभरात 1,855 पेक्षा अधिक स्टोअर्स आणि शॉप इन शॉप आउटलेट्सचे जाळे आहे.
